TIRANE - Rritet mosha e daljes në pension për gratë. Nga 1 janari 2020 që një grua të fitojë të drejtën e pensionit të pleqërisë, duhet të ketë mbushur moshën 61 vjeç, në përputhje me ligjin e ri të sigurimeve shoqërore, që parashikon një rritje të moshës së daljes në pension për gratë me dy muaj në vit, duke u bërë 63 vjeç në vitin 2032.<br /><br />Por çfarë mendojnë qytetarët në kryeqytet për këtë rritje të moshës së pensionit?Shumë është. Mosha ideale për të dalë në pension është 55 siç ka qenë, jemi shumë të lodhura.<br /><br />Edhe unë tani dal në pension, 61 vjeç dal. Më përpara duhet të dalim në pension, është pak e lodhshme.<br /><br />60 vjeç, 60 është mëse e mjaftueshme, sidomos për gratë.<br /><br />Edhe unë 60 vjeç mendojë se është ideale. Kam dalë vet 60 vjeç dhe them është produktiviteti tamam.<br /><br />60 tamam është, normal.<br /><br />Normale është, normale, shumë normale. Femrat kanë moshë të punojnë edhe më vonë?-u shprehën disa prej qytetarëve.<br /><br />Reforma e pensioneve që është miratuar në vitin 2015, cakton një rritje graduale të moshës së pensionit, si për burrat, ashtu edhe për gratë. Por për këto të fundit shpejtësia e rritjes do të jetë më e madhe. Për burrat këtë vit nuk parashikohet rritje e moshës për të përfituar pension, kështu që ata do ta përfitojnë atë në moshën 65 vjeç, si më parë.
