Shpërthim tritoli në banesën e një oficeri policie në Shkodër. Fatmirësisht nuk ka persona të lënduar. <br />Dyshohet se ngjarja ka lidhje me detyrën. Ndërkohë që disa orë më vonë, ndodhi një tjetër shpërthim, kësaj radhe në fshatin Grudë e Re.<br />Dy shpërthime me tritol kanë ndodhur në orët e para të mëngjesit në Shkodër. Sasia e lëndës plasëse u vë në banesën e shefit të postës së policisë së Thethit, Prelë Milani, në lagjen Guerrilë. <br />Shpërthimi ndodhi në magazinën që përdorej nga familja. <br />Fatmirësisht nuk pati lëndime në njerëz. <br />Nga hetimet e para rezulton se ngjarja ka lidhje me detyrën. Oficeri i policisë ka thënë para hetuesve se nuk ka asnjë konflikt.<br />Shpërthimi i dytë ndodhi në fshatin Grudë e Re. Mësohet se, sasia e lëndës plasëse ishte vendosur në portën hyrëse të banesës së shtetasit Kole Bungaja. Nga shpërthimi nuk ka të lënduar por vetëm dëme materiale.
