Arkiva Lajme - Tv Klan 2000<br /><br />Londra kryeqyteti i Anglisë por edhe kryeqendra e biznesit dhe financave europiane, ishte zgjedhur si vend prezantimi i një prej sektorëve të rëndësishëm të ekonomisë shqiptare në process privatizimi. Albania Mobile Communication apo shërbimi celularë në Shqipëri ka nxitur kureshtjen e gazetarëve ekonomik britanik. <br /><br />E inicuar nga Banka Europiane për Rindërtim dhe Zhvillim, BERZH, dje u mbajt një konferencë shtypi ku ministri shqiptar i Ekonomisë dhe Privatizimit Mustafa Muçi dhe drejtori i AMC Genc Hamzaraj shpjeguan fazën e procesit të privatizimit të AMC që duhet të përfundoj brenda këtij 6 mujori si dhe punën e bërë në kuadrin ligjor për këtë proces. Ministri Muçi tha se qeveria shqiptare i ka dhënë një rëndësi të veçantë privatizimit të sektorëve të ndryshëm të ekonomisë, ku bën pjesë edhe telekomunikacioni. <br /><br />Shitja e investitorëve të rëndësishmë e 85% të aksioneve të AMC por dhe nisja e vendosjes së operatorit të dytë të shërbimit celularë tha Muçi janë objektivat kryesore aktual. 4 janë grupet më të mëdha për blerjen e AMC, Telecom Italia në bashkpunim me Mobil Com Austria, Cosmo, Turk Cel dhe një grupim prej tre kompanish, Panafon, Albatel dhe Vodafon. <br /><br />Pas privatizimit të shërbimit cellular Muçi tha para gazetarëve anglez se do të nis dhe privatizimi i telefonave fiks, Albtelekomit. Ndërsa drejtori i AMC Hamzarai foli për shërbimin e këtij aktiviteti në shifra. Ndërsa përfaqësuesit e BERZH-it institucioni që po ndjek nga afër procesin e privatizimit në shqipëri u shprehën se ky proces po zhvillohet shumë drejt dhe shumë shpejt. Gjithashtu ministri Muçi firmosi një marrveshje bashkëpunimi me BERZH-in nga pritet një gamë financiare për privatizimin e shpejtë të Albtelekomit./tvklan.al<br /><br />Gazetari ? Eduart Frangaj
