TIRANE- Bashkë me mësuesin turk, Harun Çelik të deportuar në Turqi pas përfundimit të dënimit për falsifikimi pasaporte, është arrestuar në Rinas edhe shoku i tij Selami Simsek ndërkohë që po përpiqeshin të kalonin kufirin me pasaportë kanadeze të falsifikuar. Simsek kishte prerë një biletë për udhëtim drejt Torontos, ndërsa pasaporta e falsifikuar kishte si afat përfundimtar muajin prill të vitit 2020.<br /><br />Ai dyshohet se ka kërkuar azil politik në Shqipëri, duke ndjekur të njëjtën procedurë si miku i tij i deportuar në Turqi. Simsek do të dalë në Gjykatën e Tiranës në datë 15 janar ku do të gjykohet nga gjyqtari Ahmet Metalian për akuzën "falsifikim pasaporte" e ngritur nga prokurorja Anila Galaxhi.<br /><br />Nga ana tjetër avokati i mësuesit turk Harun Çelik, Alban Bengazi i drejtohet me një kërkesë Drejtorisë së Kufirit dhe Migracionit ku kërkon të njihet me procedurën e deportimit apo dëbimit që ka marrë kjo drejtori, apo institucioni i Ministrisë së Brendshme.<br /><br />Ai thotë se nuk është njoftuar dhe kërkon të hëna për këtë rast flagrant të shkeljes së ligjit, si dhe kërkon të dijë nëse është deportim apo dëbim nga autoritetet shqiptare.<br /><br />5 muaj më parë Çelik u arrestua në Rinas me dokumente false teksa hynte tranzit me pasaportë turke, por me vizë kanadeze false të falsifikuar, ndërsa pas përfundimit të burgut u deportua në Turqi. Harun Çelik akuzohet në Turqi së është pjesë e lëvizjes opozitare Gyleniste.
