Kosovarët presin ditën kur do të marrin lajmin e mirë të heqjes së regjimit të vizave për ta, por ndërkohë, nga 2 shkurti do të përballen me një rritje të çmimit për vizat Schengen.<br /><br /><br />Shtypi vendas citon për këtë informacion faqen të Schengenit, ku theksohet se ndërsa tarifa aktuale është 60 euro, nga fillimi I muajit të ardhshëm, aplikuesve do t`u duhet të paguajnë 80 euro. Një rritje, që llogaritet të jetë mbi 30% më shumë. Rregullat e reja parashikojnë gjithashtu edhe zgjatjen e periudhës së aplikimit.<br /><br />Ata që duan të vizitojnë ndonjë prej vendeve të Zonës Schengen, mund të aplikojnë për vizë 6 muaj më herët nga koha kur planifikojnë të udhëtojnë, ndërsa aktualisht aplikimi mund të bëhet vetëm 3 muaj më herët. Ky ndryshim i Rregullores për Vizat është miratuar nga Këshilli i Bashkimit Europian qershorin e vitit 2019 dhe do të aplikohet në të gjitha shtetet anëtare të BE-së dhe shtetet e tjera që janë pjesë e Marrëveshjes për Schengen. Përveç kësaj, vendet anëtare do të jenë të detyruara të hapin qendra për procesimin e vizave në vendet ku nuk kanë përfaqësi, në mënyrë që aplikantët të mos të detyrohen të udhëtojnë në shtete të tjera vetëm për të aplikuar.<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: http://bit.ly/2FglWTs<br />Follow Top Channel on Instagram HERE: http://bit.ly/2uaYG2U<br />Follow Top Channel on Twitter HERE: http://bit.ly/2TJndeH<br />#Kosove#Schengen#TopChannel
