Lojëra të këqija politike i quan zhvillimet e fundit nga të gjitha partitë politike politologu Ramush Tahiri. Sipas tij janë duke vepruar në atë mënyrë që të përfitojë ndonjë parti e caktuar në rast se vendi shkon sërish në zgjedhje. Sipas tij për këtë e vetmja që pëson është Kosova.<br />Secili në teori konspirative po llogarit që ka diçka tjetër që fshihet që ndoshta ka frikë nga udhëheqja e qeverisë. Apo të shkohet nga një qeveri gjithëpërfshirëse që të bëhen reformat dhe të kryhen punët e mbetura përgjysmë në integrime evropiane dhe bisedimet me Serbinë.<br /> Edhe njohësi i çështjeve politike Milazim Krasniqi vlerëson se problemet ndërmjet LVV-së dhe LDK-së janë më të mëdha ndërsa çështja e presidentit është vetëm pretekst. Sipas tij këtu bëhet fjalë për mungesë besimi dhe guximi për të marrë përgjegjësi.<br />Megjithatë Tahiri thotë se presidenti ka disa mënyra për të zgjidhur këtë bllokadë.<br />Presidenti ka një mundësi edhe tash ti drejtohet me një letër Kuvendit dhe të kërkoj zgjidhje. Kuvendi mund të vlerësoj dhe të shpërndaj vetveten nëse nuk gjen zgjidhje. Presidenti e ka këtë të drejtë që në letrën që ia drejton Kuvendit ti shpjegon procedurat dhe të ofrojë zgjidhje ndër to të kërkojë qeveri gjithëpërfshirëse.<br /> Lidhja Demokratike e Kosovës dhe Lëvizja Vetëvendosje po synojnë të bashkëqeverisin me vendin pas zgjedhjeve të 6 tetorit, por ndonëse kanë kaluar më shumë se tre muaj nga zgjedhjet këto dy parti ende nuk kanë gjetur një formulë të përbashkët për të arritur këtë marrëveshje.
