#rtvora #oranews<br /><br />Nipi 16 vjecar i bashkëshortit dhe dy shokët e tij kanë pranuar në polici vrasjen e 50 vjeçares Drita Saliaj në Gjerbës të Mallakastrës dhe kanë shfaqur pendesë. Fqinjët dhe familjarët e viktimës kërkuan dënim të rëndë për tre të rinjtë, të cilët njiheshin si problematikë në zonë.<br /><br />Gruaja në Foto është Drita Saliaj, 51 vjecarja që u vra në mënyrë makabre nga nipi i bashkëshortit dhe dy shokët e tij.<br /><br />Në polici tre të rinjtë kanë pranuar krimin dhe sipas burimeve kanë shfaqur pendesë.<br /><br />Madje një burim tha se nipi 16 vjeçar ka qenë mes personave të familjes që kishin shkuar në polici për të denoncuar zhdukjen e 51 vjeçares.<br /><br />Por hetuesit kanë vërejtur paqëndrueshmëri në deklarime dhe gjatë marrjes në pyetje e kanë bërë të pranojë vrasjen.<br /><br />Në shtëpinë ku ndodhi vrasja janë hapur dyert e mortit ndërsa në shtëpinë e familjarit të përfshirë në krim nuk ka asnjë lëvizje.<br /><br />Nëna e 16 vjeçarit thuhet se është larguar, ndërsa babai i tij prej disa muajsh është në qeli pasi është arrestuar për kultivim droge.<br /><br />Nga familjarët 16 vjeçari dhe shokët e tij njiheshin si çuna të këqij dhe përdorues të drogës.<br /><br />"Erdha që të hapja derën dhe nuk hapet, mund të kenë hyrë nga tavani. Kisha gjëra, që kisha sjellë nga Greqia. Edhe mund të jenë ata që u arrestuan. Ky nipi nuk ka qenë djali i mirë. Ka qenë çun i keq, drogë dhe të gjitha gjërat i ka bërë, të atin e ka brenda", tha Mitat Saliaj.<br /><br />Ndaj me zemërim për krimin më të rëndë të shënuar vitet e fundit në zonë, ata kërkojnë dënim ekstrem.<br /><br />"Unë si nënë për Dritën, ti marrin ata djemtë dhe ti hedhin atje ku e kanë hedhur Dritën. Ti varrin këtu dhe ti hedhin atje, pa dalë shpirti siç nuk i doli Dritës"<br /><br />Dyshimet janë se tre të rinjtë u futën në shtëpinë ku gruaja ishte e vetme për të vjedhur.<br /><br />"Dritës nuk i linte i shoqi para"<br /><br />Por banesa e 50 vjeçares nuk ka qenë e vetmja që ata kanë tentuar të vjedhin.<br /><br />Vrasja makabre ndodhi të dielën por u zbulua vetëm të martën me arrestimin e tre të rinjve.<br /><br />Për më shumë lexoni në: https://oranews.tv/article/grabiten-dhe-vrane-50-vjecaren-3-autoret-pranojne-krimin<br /><br />Follow RTV Ora<br /><br /> Subscribe To "Ora News" on YouTube Channel for NEWS HERE: http://bit.ly/2DDddtL <br /><br />Subscribe To "Ora News" on YouTube Channel for TV Shows HERE http://bit.ly/2sPcqj3 <br /><br />For more content from click HERE www.oranews.tv <br /><br />Like Ora News on Facebook HERE http://bit.ly/2RkUN4s <br /><br />Follow Ora News on Instagram Here http://bit.ly/2HBuiID <br /><br />Follow Ora News on Twitter http://bit.ly/2RhOaQp
