#rtvora #oranews<br /><br />Ekzekutimi i me snajper i biznesmenit Kastriot Reçi në Rrëshën mbetet ende pa autorë.<br /><br />Kontrollet e policisë që vijojnë në zonën e Mirditës dhe marrja në pyetje e shumë personave në lidhje me ngjarjen ende nuk kanë dhënë asnjë rezultat.<br /><br />Puna tashmë është përqendruar tek pamjet e kamerave të sigurisë dhe ekzaminimi i një parukeje të gjetur që dyshohet se u përdor nga autori.<br /><br />Nga tërësia e veprimeve hetimore dhe analizimi i të gjithë të dhënave, dyshohet se qitësi ishte profesionist dhe dyshimet janë se ai ishte vrasës me pagesë.<br /><br />Ekzekutori i biznesmenit qëlloi nga rreth 200 metra largësi nga brenda një apartamenti duke i shkaktuar vdekjen me vetëm një goditje dhe pa dëmtuar persona të tjerë.<br /><br />Sipas pamjeve të kamerave të sigurisë që kanë filmuar ngjarjen, 47 vjeçari u qëllua pasi puthi një fëmijë, i cili fatmirësisht nuk u rrezikua por u përfshi në ngjarjen tragjike.<br /><br />Nga pallati ku kreu vrasjen, autori dyshohet se u largua i maskuar si grua, ndërsa maska u gjet në afërsi të tregut.<br /><br />Kjo provë dhe pamjet e kamerave të sigurisë që kanë filmuar autorin po analizohen më imtësi, por sipas burimeve identifikimi mbi bazë të pamjes është i vështirë.<br /><br />Ndërkohe po verifikohet edhe telefoni i viktimës për të parë bisedat telefonike apo dhe mesazhet e kohëve të fundit me ndonjë person të dyshimte.<br /><br />Kastriot Reçi u ekzekutua me snajper rreth orës 11 të së martës, teksa po hynte në lokalin e tij në qendër të qytetit të Rrëshenit.<br /><br />Dyshimet janë se vrasja është kryer për hakmarrje në vijim të një sage krimesh që kanë goditur ndër vite qytetin e Rrëshenit<br /><br />Për më shumë lexoni në: https://oranews.tv/article/vrasja-e-kastriot-recit-me-snajper-dyshohet-se-u-be-nga-qites-profesionist<br /><br />Follow RTV Ora<br /><br /> Subscribe To "Ora News" on YouTube Channel for NEWS HERE: http://bit.ly/2DDddtL <br /><br />Subscribe To "Ora News" on YouTube Channel for TV Shows HERE http://bit.ly/2sPcqj3 <br /><br />For more content from click HERE www.oranews.tv <br /><br />Like Ora News on Facebook HERE http://bit.ly/2RkUN4s <br /><br />Follow Ora News on Instagram Here http://bit.ly/2HBuiID <br /><br />Follow Ora News on Twitter http://bit.ly/2RhOaQp
