Dhoma e Përfaqësuesve pritet të votojë të enjten një rezolutë që do të kufizojë kompetencat e Presidentit Donald Trump për të zhvilluar luftë me Iranin.<br /><br /><br />Kryetarja e Dhomës së Përfaqësuesve Nancy Pelosi tha se urdhri që dha zoti Trump për sulmin me dron që vrau javën e kaluar gjeneralin iranian Qasem Soleimani, u bë pa u këshilluar me Kongresin.<br /><br />Zyrtarë të administratës informuan një ditë më parë Kongresin mbi këtë çështje, por duket se ligjvënësit kanë ngritur pikëpyetje rreth asaj se sa i justifikuar ishte sulmi.<br /><br />?Nuk është e pranueshme për zyrtarët brenda qeverisë që të na thonë se ne nuk mund të debatojmë apo të diskutojmë se sa e justifikuar ose jo ishte ndërhyrja ushtarake ndaj Iranit. Kjo gjë nuk përputhet me parimet amerikane dhe është jo-kushtetuese dhe e gabuar?, tha senatori republikan Mike Lee.<br /><br />?Këndvështrimi im mbi këtë çështje është se ata nuk vërtetuan në asnjë mënyrë, faktet që mbështesin pretendimin se egzistonte një kërcënim i afërt sikurse u parashtrua, pra që do të thotë se dikush kishte vendosur të sulmonte forcat amerikane dhe të vriste një numër të madh amerikanësh?, tha senatori demokrat Chris Van Hollen.<br /><br />Rezoluta ka të ngjarë të miratohet në Dhomën e Përfaqësuesve ku demokratët gëzojnë shumicën, por ka pas gjasa që kjo gjë të ndodhë edhe në Senat i cili kontrollohet nga republikanët.<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: http://bit.ly/2FglWTs<br />Follow Top Channel on Instagram HERE: http://bit.ly/2uaYG2U<br />Follow Top Channel on Twitter HERE: http://bit.ly/2TJndeH<br />#Iran#Kongres#TopChannel
