Prindërit e Ervis Zotajt 26 vjeç, njëri prej autorëve të vrasjes së 50-vjeçares Drita Saliaj në Mallakastër, kërkojnë dënimin më të rëndë për djalin e tyre.<br /><br />Duke folur për gazetarët jashtë Gjykatës së Fierit, ata thanë se nuk dinin asgjë për krimin ku ishte përfshirë djali i tyre.<br /><br />?Policia erdhi në shtëpi rreth orës 04:00, kërkonin djalin?Ne nuk dinim asgjë?, ka thënë babai i 26-vjeçarit, duke sqaruar se djali i tij më pas u gjet i fshehur në shtëpinë e një kushëriri të tyre që jeton në Greqi.<br /><br />?I lutem shtetit të marrë masat më të rënda ose ta sjellë në mes të Mallakastrës ta pushkatoj me dorën time?, është shprehur i ati.<br /><br />Të pyetur nga gazetarët nëse i druhen hakmarrjes nga familjarë të viktimës, prindërit e Ervis Zotajt shprehen: ?Atë nuk e dimë?.<br /><br />Ata tregojnë se nuk u lejuan që të merrnin pjesë as në varrimin e 50-vjeçares Drita Saliaj.<br /><br />Tre të rinjtë Luis Saliaj 16 vjeç, Sindi Shehaj 16 vjeç dhe Ervis Zotaj 26 vjeç shkuan për të grabitur në banesën e Drita Saliajt në Mallakastër më datë 5 Janar. Aty u përleshën me viktimën dhe më pas e lidhën dhe e hodhën në rezervuar, duke i shkaktuar vdekjen 50-vjeçares. Trupi i pajetë i të ndjerës u gjet dy ditë më vonë, më 7 Janar.<br /><br />Adoleshenti Luis Saliaj është nipi i bashkëshortit të viktimës. Së bashku me dy shokët e tij, në prani edhe të psikologut, kanë pranuar krimin e rëndë.
