Spitali Rajonal i Durrësit u përfshi nga flakët në orët e para të mesantës. Zjarri dhe tymi që përfshinë spitalin shënuan vetëm dëme materiale dhe persona të asfiksuar e në panik.<br /><br />Zjarri ka rënë fillimisht në pavionin e neurologjisë dhe është përhapur në katet e tjera të spitalit ku ndodhen pavionet e tjera. I ndihmuar dhe nga efektivat e policisë, stafi i spitalit bëri evakuimin e pacientëve në pjesën e paprekur të godinës, ndërsa zjarrfikësit punuan në shuarjen e zjarrit. Në ndihmë kanë shkuar dhe banorë të zonës përreth spitalit.<br /><br />Paraprakisht deklarohet se nuk ka të dëmtuar nga zjarri, po shumë pacientë kanë pasur probleme asfiksie të shkaktuara nga tymrat dhe djegja e kabllove. Dyshohet se zjarri u shkaktua nga mbingarkesa e rrjetit elektrik nga pajisjet e përdorura për ngrohjen e ambjenteve.<br /><br />Një shkëndijë elektrike në një nga dhomat e pavionit, përmes një sistemi zinxhir ka bërë djegjen e kabllove elektrike dhe përhapjen e zjarrit e gazrave ndotës në katet e tjera të godinës. Zjarri përhapi panik edhe te familjarët e pacientëve.<br /><br />Spitali i Durrësit nuk ka dalë ende me një informacion zyrtar mbi situatën emergjente të krijuar gjatë orëve të para të ditës së shtunë, ndërsa hetimet pritet të zbardhin më tej incidentin.<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: http://bit.ly/2FglWTs<br />Follow Top Channel on Instagram HERE: http://bit.ly/2uaYG2U<br />Follow Top Channel on Twitter HERE: http://bit.ly/2TJndeH<br />#Zjarr#SpitaliRajonaDurrës#TopChannel
