Uashingtoni ka refuzuar kërkesën e Irakut për të tërhequr trupat nga ky vend, duke rritur edhe më shumë tensionet me Lindjen e Mesme.<br /><br />Thirrja për tërheqjen e trupave u bë pas një votimi në parlamentin irakian nga kryeministri Adel Abdul Mahdi kërkesë të cillën ia drejtoi sekretarit të Shtetit, Mike Pompeo.<br /><br />Mahdi kërkoi që të dërgohet një delegacion në Irak për të diskutuar rreth mënyrave për të zbatuar vendimin e parlamentit. Por zëdhënësja e Departamentit të Shtetit Morgan Ortagus tha se çdo delegacion që mund të shkojë në Irak nuk do të diskutojë për tërheqjen e trupave. <br /><br />Media ndërkombëtare Reuters, shkruan se Uashingtoni po punon madje për një zgjerim të mundshëm të pranisë së NATO-s në Irak. Si një formë presioni, në kundërpërgjigje të sulmit ndaj trupave amerikane në Irak, Shtetet e Bashkuara vendosën më shumë sanksione ndaj Iranit.<br /><br />Përshkallëzimi i tensioneve kanë vënë në lëvizje edhe kancelaren gjermane Angela Merkel. Ajo pritet të vizitojë Moskën për të takuar Presidentin rus Vladimir Putin.<br /><br />Tv Klan
