Katër vrasje, dy prej tyre atentate. Ky është bilanci situatës kriminale vetëm në këto 11 ditët e para të këtij viti që kanë tronditur opinionin publik. Numri i viktimave shkon mbi 10, pasi aksidentet rrugore me pasojë vdekjen, kanë qenë pothuajse të përditshme.<br /><br />Që në ditët e para të Janarit, vendi është goditur nga dy atentate mafioze që janë kambanë alarmi për policinë. E para ishte vrasja e biznesmenit, Guxim Gjyriqi, përpara lokalit të tij, në Bajram Curri dhe më pas atentati me snajper ndaj Kastriot Reçit, në qendër të Rrëshenit.<br /><br />Në të dyja ngjarjet autorët nuk janë identifikuar. Tronditëse ishte edhe historia e 50-vjeçares në një fshat të Mallakasatrës, e cila u grabit, u lidh dhe u mbyt në një rezervuar në mënyrë makabre.<br /><br />Një tjetër nëne të re iu mor jeta me shkop druri në Paskuqan. Edhe pse viktima e kishte denoncuar përndjekjen e autorit, kjo vrasje makabare nuk u parandalua.<br /><br />Por lajmet e kronikës së zezë janë ushqyer këto ditë edhe me sagën e përgjimeve të Hermes Nikajt i njohur ndryshe ?Zogut të Tiranës?. Nga to vihet re se Policia Kriminale ka shpenzuar mbi 6 muaj kohë për ta mbajtur në përgjim dhe vëzhgim ?Zogun e Tiranës? nëpër qendra estetike.<br /><br />Por edhe pse vendi është tronditur nga vrasjet mafioze, Policia Kriminale tregon se është e angazhuar fuqimisht vetëm në goditjen e prostitucionit në qendrat e masazheve.<br /><br />Mbase para se të arrestojnë, i provojnë vetë masazhet erotike në funksion të mbledhjes së provave, e sigurisht, është më zbavitëse të mbledhësh prova seksi sesa prova kriminelësh e vrasësish.<br /><br />Duket se pasioni më i madh për Policinë Kriminale është ta kalojë kohën nëpër qendrat estetike, se të vihet në ndjekje të vrasësve. ?Zogu i Tiranës?, që ka mbushur edhe mediat, duket se është historia e suksesit të policisë sonë.<br /><br />Në botë, suksesi i një policie matet sa me parandalimin e ngjarjeve të rënda kriminale aq edhe me arrestimin e autorëve të tyre. Ndërsa policisë sonë i ka mbetur ?Zogu? në dorë për ta treguar si njësi matëse të punës së saj.<br /><br />Tv Klan
