Sinjalet pozitive që vijnë nga Brukseli për hapjen e negociatave janë një prove që sipas Lulzim Bashës, Kryeministri Rama, duhet ta përmbushë sa më parë për të plotësuar njërin prej kushteve të vëna nga Bundestagu gjerman, Reformën Elektorale.<br /><br />Opozita propozimet e saj të draftuara pritet t?i bëjë publike ditët në vijim, por kryedemokrati tha se nga ana e maxhorancës mungon vullneti politik. Pa hequr dorë nga qeveria teknike dhe zgjedhjet e parakohshme, prerazi mohoi çdo marrëveshje me Kryeministrin.<br /><br />I hapur thotë se është për çdo sistem zgjedhor, edhe pse vetë parapëlqen atë maxhoritar të pastër. Ndaj dhe si provë të parë për SPAK-un sheh dy dosjet për shitblerjen e votave.<br /><br />Në zgjedhje të parakohshme tha se është i gatshëm të shkojë që nesër dhe deri në përmbushjen e këtij kushti, nuk përjashtoi asnjë formë të bërit aksion politik përfshi edhe protestat.<br /><br />Kryeministrin e akuzoi se ka dështuar edhe lidhur me menaxhimin e situatës pas tërmetit të 26 Nëntorit. Basha bëri përgjegjës Kryeministrin, edhe për situatën ekonomike që po kalon vendi, që sipas tij, ka hyrë tashmë në një krizë të thellë.<br /><br />Tv Klan
