Presidenti turk Rexhep Taip Erdogan paralajmëron se Turqia është gati të nisë luftën me rebelët libianë. Paralajmërimin, kreu i shtetit turk e bëri para parlamentit në Ankara, teksa bisedimet e armëpushimit në Moskë mes qeverisë së njohur ndërkombëtarisht dhe rebelëve, dështuan këtë të martë.<br /><br />?Nëse puçisti Haftar sulmon popullin dhe qeverinë libiane, ne nuk do të hezitojmë t?u japim atyre një leksion?.<br /><br />Komandanti i militantëve rebelë Kalifa Haftar la takimin e ndërmjetësuar nga kryediplomatët e Rusisë dhe Turqisë në Moskë, pa nënshkruar marrëveshjen e armëpushimit me kryeministrin Fajez Serrazh.<br /><br />Burime nga takimi thanë për mediat se Haftar kishte kërkuar largimin e trupave turke nga Libia që kanë hyrë në fillim të këtij viti, me kërkesë të kryeministrit Serrazh. Por kërkesa e tij u refuzua nga palët. Ndërsa mediat italiane shkruajnë se Haftar u tërhoq për t?u këshilluar me vendet aleate të tij në Lindjen e Mesme për pikat e marrëveshjes.<br /><br />Prej disa muajsh, militantët rebelë të përkrahur edhe nga Moska, mbajnë të rrethuar Tripolin teksa kanë pushtuar gjysmën e vendit duke u shtrirë kryesisht në jug dhe lindje të Libisë. Rrethimi i Tripolit i ka marrë jetën qindra personave.<br /><br />Tv Klan
