Gjykata e Krujës ka liruar me kusht një nga ish-anëtarët e ?Bandës së Durrësit?, 36- vjeçarin Endrit Dokle, që ishte dënuar me burg përjetë nga gjykata e krimeve të rënda. <br />Vendimi për lirimin është dhënë nga gjyqtarja e shkallës së parë në Krujë Enkelejda Hoxha. Dokle ka qenë i dënuar me burg për jetë për disa vepra të rënda penale si pjesë e bandës së Durrësit. <br />Ky vendim u lanë në fuqi nga Gjykata e Lartë në vitin 2014 dhe nga ajo Kushtetuese 3 vite më vonë. <br />Por në Tetor të vitit të kaluar, dënimi i përjetshëm iu konvertua në 25 vite burg nga ana e gjyqtares Enkelejda Hoxha. <br />Ditën e Martë ka qenë e njëjta gjyqtare e cila ka pranuar kërkesën e Endrit Dokles për të lënë qelinë. 36- vjeçarit i kishte mbetur edhe 5 vite dënim nga 25 vite në total. <br />Gjyqtarja Hoxha e ka argumentuar lirimin me 5 vjet para kohe të anëtarit të bandës së Durrësit me arsyetimin se ka kryer ¾ e dënimit, për shkak të gjendjes jo të mirë shëndetësore si dhe gjatë kësaj kohë ka pasur sjellje të mirë. <br />Dokle fitoi liri me kusht që të mos shoqërohet me persona me precedentë penal apo të kryejë vepra të tjera penale, ose të mbajë armë pa leje. <br />Pas këtij vendimi ka reaguar edhe prokuroria e Krujës që thotë se kërkesa e paraqitur nga Dokle, nuk plotëson kushtet ligjore. Për këtë prokuroria do të ankimojë vendimin, ndërsa ka kërkuar përjashtimin e gjyqtares me arsyetimin se i njëjti trup gjykues ka dhënë vendime në favor të kërkuesit. <br />Dokle akuzohet së nën drejtimin e bandës së Durrësit vrau në Tetor të 2005 Avni Gashin dhe Ilir Koldashin në kryeqytet.
