Anila Hoxha: Përshëndetje nga prokuroria e Tiranës, aty ku prokurorë të çështjes për dosjen e tërmetit të datës 26 nëntor po vazhdojnë të lëshojnë urdhra ndalimi të tjerë.<br /><br /><br />Deri më tani jo zyrtarisht, burime të sigurta të Top Channel thonë se prokurorët kanë firmosur në total 38 urdhra ndalimi prej të cilëve policia e Tiranës dhe policia e shtetit ka ekzekutuar 27 urdhra arresti ndërsa 11 të tjerë vazhdojnë të jenë në kërkim për dyshimet e shpërdorimit të detyrës.<br /><br />Pasi sikurse dyshon një grup i përbërë prej tre prokurorësh dhe shumë oficerë të policisë gjyqësore, ish kolaudues, drejtues teknik madje edhe ndërtues kanë shpërdoruar detyrën.<br /><br />Nuk është shkaktar vetëm tërmeti për dëmtimin e dhjetëra ndërtesave në Tiranë, por edhe cilësia e dobët e këtyre objekteve.<br /><br />Sikurse thotë prokuroria e Tiranës në rrugë jo zyrtare gjithashtu gjatë hetimit janë evidentuar ndërhyrje të padrejta në strukturën e disa objekteve të shkatërruara nga tërmeti.<br /><br />Prokuroria ka bashkuar në një të vetme dosjet për sa i takon objekteve të shkatërruara dhe të pabanueshme në Tiranë në zonat e Farkës, komunës së Kasharit, komunës së Vorës, Kombinat dhe Liqni i thatë, të cilat ka dhjetëra referime të bashkuara në një.<br /><br />Ndërkohë që sikurse thuhet në rrugë jo zyrtare prokuroria ka bashkëpunuar me krimin ekonomiko financiar me policinë e Tiranës dhe ka evidentuar si shkelje duke dyshuar se tek të ndaluarit, por edhe ata që po kërkohen ende kanë shpërdoruar detyrën sipas nenit 248 të kodit penal.<br /><br />Dhe për këtë vepër kanë përfunduar në burg, veç të tjerash edhe drejtues teknik, inxhinierë deri edhe ish kryetar komunash, Fatbardh Plaku, Besnik Fuçia e Faik Vejzo.<br /><br />Ndërkohë ka një listë të gjatë emrash që ne e kemi raportuar në kohë rekord.<br /><br />Pritet që sëshpejti të ketë zhvillime të reja edhe nga një prokurori tjetër sikurse është prokuroria e Krujës, që veç disa ndërtuesve dhe kolauduesve po heton dhe sa i takon shkatërrimit të një shkolle në Krujë.<br /><br />Që rezulton sikurse thonë burime jozyrtare pranë Top Channel se kjo shkollë menjëherë sapo ishte rikonstruktuar, është shkatërruar nga tërmeti pavarësisht se ishte konsideruar e sigurtë dhe brenda parametrave teknik.<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: http://bit.ly/2FglWTs<br />Follow Top Channel on Instagram HERE: http://bit.ly/2uaYG2U<br />Follow Top Channel on Twitter HERE: http://bit.ly/2TJndeH<br />#Arrest#TopChannel
