Arkiva Lajme - Tv Klan 2000<br /><br />Komisioni anti-korrupsion duhet të jetë më aktiv dhe të funksionojë vazhdimisht me pjesmarrjen e të gjitha palëve, përfshih këtu edhe qeverinë. Kështu thuhet në raportin e përgatitur nga anëtarët e komisionit anti-korrupsion të paktit të stabilitetit, të cilët kanë vëzhguar situatën në shqipëri më 18 dhe 19 Mars të këtij viti. <br /><br />Sipas raportit të paraqitur duhet që brenda këtyre ditëve të paraqitet programi anti-korrupsion dhe të deklarohen çështjet prioritare që duhen të zbatohen sëshpejti. Ndonëse në raport vlerësohen hapat e deritaishme nënvizohet gjithashtu se vitet e fundit janë adoptuar mjaft ligje të reja, por ato nuk janë zbatuar në shumë raste.<br /><br />Qeveria thuhet në raport ka pranuar se ka vështirësi në implementimin e ligjeve të reja. Me gjithë vështirësitë përfundon raporti duhet ende shumë për të bërë për të zvogëluar ekzistencën e korrupsionit dhe kontrabandës në vend. <br /><br />Ndërkohë sot pasdite nën drejtimin e kryeministrit Meta është mbledhur komisioni ndërministror për anti-korrupsion ku është shqyrtuar programi i ristrukturuar. Është përcaktuar ndryshimi i afateve dhe prioritetet kryesore që sipas kryeministrit do të orjentojnë drejt arritjeve të rezultateve. Sipas tij u bënë përpjekje për të përfshirë dhe opozitën në këtë proces, panvarësisht se ajo nuk u tregua e gatshme për të marrë pjesë. Pork jo përfundoj Meta nuk mund të na pengoj ne për të vazhduar luftën kundër korrupsionit./tvklan.al <br /><br />Gazetare ? Ornela Bego
