Në Tempora, sonte ora 21.00, në RTV Ora, live në facebook, youtube dhe Radion Ora News 96,7MgHz<br /><br />A do të bëhet ky vend? Dhe si?<br /><br />Nuk ka më kohë për të pyetur në eter.<br /><br />Edhe pas 30 vjetësh, suksesi i politikës shqiptare mbetet kalimi me entuziazëm shkatërrues nga marrëveshja në marrëveshje...<br /><br />Sot, aktorët politikë, që përjashtuan me forcë çdo zgjidhje me vjedhësit e votës, shkatërruesit e institucioneve dhe djegësit e mandateve, me bekimin ndërkombëtar u ulën.<br /><br />Për një reformë zgjedhore.<br /><br />Pse duhen besuar kësaj here përsëritësit kronikë?<br /><br />Dhe a kanë një plan tjetër veç ikjes, shqiptarët e angazhuar?<br /><br />Oerd Bylykbashi PD<br /><br />Adnor Shameti PS<br /><br />Dashamir Shehi LZHK<br /><br />Pano Soko Nisma Thurje<br /><br />Rezart Prifti Pedagog<br /><br />Ergys Mertiri Pedagog<br /><br />Çfarë thonë shqiptarët e thjeshtë të betejave të përditshme me kostot e jetesës dhe pasojave të tërmetit?<br /><br />Si e sheh Genc Sejko të ardhmen e Shqipërisë mes marrëveshjeve politike e ligjeve antishpifje?<br /><br />Vendi i traumave të mëdha ka nevojë të buzëqeshë e qeshë. Shumë madje. Ndoshta për këtë komedia Boing Boing e Kiço Londos theu çdo rekord shfaqjeje duke tejkaluar edhe të famshmin Pallati 176.<br /><br />Gentian Zenelaj, Amos Zaharia, Rudina Dembacaj dhe aktoret e tjera të trupës së talentuar, sonte për të dëshmuar arsyet e suksesit të jashtëzakonshëm<br /><br />Kohët që jetojmë? Siç thosh një mendje e ndritur dikur, ishin kohët më të këqija, ishin kohët më të mira.<br /><br />Ju presim sonte në Tempora
