Orët e para të mëngjesit e kanë gjetur qytetin e Korçës të mbuluar nga mjegulla dhe në prezencën e akullit. Temperaturat e ulëta kanë favorizuar krijimin e akullit ne rruge çka ka bërë që vetëm ditën e sotme në spitalin e Korçës te paraqiten 20 persona me fraktura të ndryshme.<br /><br />Sipas kryeinfermierit te urgjencës Korçë, Elton Koleci ngricat në rrugë kanë krijuar probleme dhe si pasojë e kësaj janë paraqitur 20 raste në urgjence. 2 nga këto raste kane pasur fraktura të theksuara dhe për këtë ato janë nisur drejt Tiranës ndërkohë që një tjetër vijon të trajtohet në kushte spitalore në Korçë.<br /><br />"Kemi 20 raste te paraqitura sot ne spital 2 prej te cilëve janë transportuar drejt Tiranes pasi kanë pësuar fraktura te theksuara." tha Koleci.<br /><br />Rastet e tjera kane marre ndihmën e nevojshme dhe me pas janë larguar. Tani gjendja është e qetë, fluksi i pacienteve ka qenë rreth orës 9:00 të mëngjesit.
