Marrëveshja e arritur mes mazhorancës dhe opozitës për Reformën Zgjedhore nuk i jep zgjidhje krizës politike. Këtë qëndrim të Partisë Demokratike e përforcon edhe Kryetari i Këshillit Kombëtar i saj, ish -presidenti Bujar Nishani.<br />? Situata është futur në një krizë aq të thellë sa janë eliminuar të gjithë instrumentat për një dialog politik. Parlamenti nuk ekziston. U mbajtën zgjedhjet monopartiake të 30 Qershorit. Çdo hapësirë për opozitën është dhunuar. Kemi pasur deputetë të opozitës që janë arrestuar, për shkak të opozitarizmit dhe protestës së tyre.<br />Sipas ish ?presidentit të republikës, qeveria po aplikon prej kohësh modelin e dhunës ndaj institucioneve. Për këtë arsye u kërkon qytetarëve që të ngrihen për të nxjerrë vendin nga kriza. <br />? Përtej përplasjes së institucioneve është koha që shoqëria shqiptare të marrë përgjegjësitë dhe të kthehet në një lëvizje mbarëpopullore. Vendi po përjeton situatë dramatike dhe vetëm shqiptarët e nxjerrin dot nga kjo.<br />Ish- kreu i shtetit theksoi se mazhoranca ka një platformë për të asgjësuar edhe pushtetin gjyqësor dhe për ta kontrolluar edhe atë.<br />Këto deklarata Nishani i bëri në ceremoninë përkujtimore që u mbajt në Shkodër. Më 14 janar të vitit 1990 qindra qytetarë u ngritën për herë të parë kundër regjimit komunist.
