Policia në Iran ka përdorur gazin lotsjellës për të shpërndarë mijëra protestues në sheshin Azadi në Teheran, të dielën mbrëma, ndërsa zemërimi i publikut rritet pas rrëzimit aksidental të avionit ukrainas të pasagjerëve nga ana e Iranit, ku humbën jetën 176 persona në bord.<br /><br /><br />Protestat që filluan si ceremoni për të nderuar viktimat, shpejt u kthyen në demonstrata anti qeveritare që kërkonin që lideri suprem Ajatollahu Ali Khamenei të dorëhiqej dhe që përgjegjësit për rrëzimin e avionit të nxirreshin para drejtësisë.<br /><br />?Vdekje diktatorit? thërrisnin disa në kryeqytetin Teheran në pamje të postuara në mediat sociale. Në një video tjetër, demonstruesit thërrisnin, Khameni, të të vijë turp. Largohu nga vendi.<br /><br />Khamenei është në detyrë prej tre dekadash dhe nuk ka një limit për mandatin e tij. Videot që qarkullonin në mediat sociale ndërkohë tregonin demonstruesit në Teheran që i largoheshin gazit lotsjellës ndërsa autoritetet thuhet se kanë arrestuar shumë prej tyre. Avioni ukrainas kishte pasagjerë nga disa vende të botës, por në Iran, shumëkush e sheh incidentin si një tragjedi të brendshme. Shumë njerëz janë të zemëruar që qeveria ka vrarë aq shumë njerëz të saj, pasi pjesa më e madhe në bord ishin shtetas iranianë.<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: http://bit.ly/2FglWTs<br />Follow Top Channel on Instagram HERE: http://bit.ly/2uaYG2U<br />Follow Top Channel on Twitter HERE: http://bit.ly/2TJndeH<br />#Iran#PlaneCrash#TopChannel
