Byrek në tigan me bukë të thatë dhe djathë <br />Përbërësit: <br />Bukë bajate <br />3 vezë <br />Kripë dhe piper i zi <br />2 gota qumësht <br />Gjalp për lyerjen e tiganit <br />150 gr djathë i bardhë<br />50 gr djathë i verdhë që shkrin <br />1 tufë majdanoz<br />Përgatitja: <br />E copëtojmë bukën në copa (jo shumë të mëdha). <br />Në një tas rrahim vezët, hedhim kripë, piper të kuq (edhe pak pikant nëse dëshironi). I përziejmë së bashku dhe I shtojmë në një tas. <br />Përziejmë 2 gota qumësht me vezët dhe I shtojmë në tasin me bukët e copëtuara. I përziejmë mirë dhe e lëmë tasin të mbuluar, që buka të përthithë qumështin me vezë. Lyejmë mirë tiganin me gjalp në temperaturë ambienti. <br />Shtojmë në tigan ½ e bukës së zbutur, e ngjeshim me lugë duke krijuar një shtresë bazë me bukë. <br />Mbi bazën me bukë shtojmë djathë të bardhë të thërrmuar të përzierë me majdanoz të grirë vrazhdë, nivelojmë mbushjen. Sipër djathit shpërndajmë djathin e butë që shkrin. Në fund e mbulojmë me bukën e mbetur në tas dhe e ngjeshim mirë të gjithë sipërfaqen. <br />Vendosim tiganin në zjarr në temperaturë mesatare, të mbuluar në tigan për 6-8 minuta. <br />Vendosim një pjatë mbi tigan dhe e kthejmë byrekun nga ana tjetër dhe e lëmë po ashtu 6-8 minuta të piqet edhe nga ana tjetër. <br />Në fund e servirim të ndarë në copa dhe të shoqëruar me dhallë ose kos. Ju bëftë mirë.
