#rtvora #oranews<br /><br />Reporterët pa Kufij kanë mirëpritur vendimin e Presidentit Ilir Meta për të kthyer në parlament për rishqyrtim paketën antishpifje. Ligji sipas organizatës ndërkombëtare është në kundërshtim me Kushtetutën dhe shihet si përpjekje e qeverisë për të kontrolluar median.<br /><br />Vendimi i Presidentit Ilir Meta për të mosdekretuar paketën antishpifje është përshëndetur nga Reporterët pa Kufij.<br /><br />Përmes një reagimi në twitter, organizata ndërkombëtare e cilëson ligjin si përpjekje të qeverisë për të kontrolluar median dhe që bie në kundërshtim me kushtetutën dhe konventat e të drejtave të njeriut.<br /><br />?Reporterët pa Kufij mirëpresin vendimin e Presidentit të Shqipërisë, Ilir Meta, për të rikthyer në Parlament dy ligjet e të ashtuquajturës ?paketë antishpifje?, që shihet si një përpjekje e qeverisë për të kontrolluar median në kundërshtim me Kushtetutën shqiptare dhe Konventat e të Drejtave të Njeriut?, thuhet në mesazh.<br /><br />Ditën e dielë, Kreu i Shtetit rikthehu në parlament paketën antishpifje me argumentimin se ajo vendos nën kontroll median dhe minimizon zërin kritik.<br /><br />Ligji, sipas presidentit Meta përmban elementë të censurës pasi bie ndesh me parimet kushtetuese për mbrojtjen e të drejtave dhe lirisë së shprehjes, me jurisprudencën e Gjykatës Kushtetuese dhe nuk është në harmoni me standardet e Konventës Europiane për të Drejtat e Njeriut.<br /><br />Kreu i Shtetit argumenton se me miratimin e këtij ligji, Kuvendi i Shqipërisë ka kapërcyer kufijtë e autorizimit kushtetues përmes kompetencave që i ka dhënë AMA-s.<br /><br />Paketa antishpifje u miratua nga parlamenti më 18 dhjetor të vitit të shkuar me 80 vota pro.<br /><br />Ligji i shumë debatuar u kundërshtua nga gazetarët përmes një proteste, ndërsa kritika pati edhe nga disa prej ambasadave.<br /><br />Për më shumë lexoni në: https://oranews.tv/article/reporter-pa-kufij-mirepresin-vendimin-e-metes-kthimin-e-paketes-antikushtetuese<br /><br />Follow RTV Ora<br /><br /> Subscribe To "Ora News" on YouTube Channel for NEWS HERE: http://bit.ly/2DDddtL <br /><br />Subscribe To "Ora News" on YouTube Channel for TV Shows HERE http://bit.ly/2sPcqj3 <br /><br />For more content from click HERE www.oranews.tv <br /><br />Like Ora News on Facebook HERE http://bit.ly/2RkUN4s <br /><br />Follow Ora News on Instagram Here http://bit.ly/2HBuiID <br /><br />Follow Ora News on Twitter http://bit.ly/2RhOaQp
