Një fëmijë 2 vjeç humbi jetën nga flakët e zjarrit që përfshiu një magazine. Ngjarja ndodhi në familjen Çoku, në fshatin Sanxhak të Kurbinit e cila jeton në kushte të vështira ekonomie.<br /><br />Sipas policisë zjarri ka rënë në magazinën e familjes me 7 anëtarë, të cilën e përdornin për grumbullimin e kanoçeve.<br /><br />Shkak i zjarrit dyshohet se është ndezja e një shkrepse me të cilën po luanin fëmijët në magazinën pranë shtëpisë së tyre.<br /><br />Ndërhyrja e zjarrfikësve ka shmangur përhapjen e flakëve deri tek shtëpia e familjes së të miturit.<br /><br />Grupi hetimor po punon për zbardhjen e plotë të ngjarjes.<br /><br />Tv Klan
