Familjet që kanë humbur shtëpitë nga tërmeti I 26 nëntorit nuk do të përfitojnë të njëjtën sipërfaqe që kanë patur, por do të dëmshpërblehen me banesa sipërfaqja e të cilave bazohet në numrin e anëtarëve.<br /><br /><br />Përmes një korpusi vendimesh të njëpasnjëshme, qeveria ka zyrtarizuar rrugët se si do të dëmshpërblehen familjet e dëmtuara nga tërmetit.<br /><br />Familjet me dy anëtarë, banesa e të cilave është shembur do të përfitojnë apartament 1 plus 1 me sipërfaqe që varion nga 45 deri në 60 metër katrorë. Kur familja ka deri në katër anëtarë, përfiton apartament 2+1 me sipërfaqe që varion nga 75 deri në 80 metër katrorë. Ndërsa për familjet me 5 antarë e sipër qeveria do të japë apartament 3+1 me sipërfaqe nga 90 deri në 100 metër katrorë.<br /><br />Këto sipërfaqe përfitohen kur lagjet e reja do të jenë të përbëra nga pallate. Në rastin kur lagjet e reja do të ndërtohen me shtëpi individuale, atëherë familjet me dy anëtarë marrin shtëpi private 60-70 metër katrorë. Ato me 4 anëtarë do të marrin shtëpi 70-80 metër katrorë. Ndërsa familjet me 5 anëtarë e sipër do të përfitojnë shtëpi private jo më pak se 90 metër katrorë.<br /><br />Këto janë përfitimet për familjet banesat e të cilave janë shembur. Për banesat e dëmtuara rëndë, që janë shpallur të pabanueshme, por mund të riparohen, do të ketë kompensim me para në dorë.<br /><br />Sipas vendimit të qeverisë, banesat të cilat janë dëmtuar rëndë dhe kanë rrezik të shemben në të ardhmen do të përfitojnë rikonstruksion të plotë nga qeveria. Për familjet, banesat e të cilave kanë dëmtime thelbësore në mure, por të moderuara në strukturë, qeveria do të japë deri në 500 mijë lekë. Ato familje, banesat e të cilave kanë dëmtime të lehta në strukturë do të përfitojnë 250 mijë lekë. Ndërsa familjet, banesat e të cilave nuk kanë dëmtime në strukturë, por kanë çarje në mure do të marrin 100 mijë lekë dëmshpërblim.<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: http://bit.ly/2FglWTs<br />Follow Top Channel on Instagram HERE: http://bit.ly/2uaYG2U<br />Follow Top Channel on Twitter HERE: http://bit.ly/2TJndeH<br />#Kompensim#EarthquakeAlbania##TopChannel