6 muaj pasi dosja 184 ka kaluar në kompetencën e Prokurorisë së Dibrës për t?u shqyrtuar, demokratët kërkojnë që krimi elektoral, që sipas tyre ka ndodhur në zgjedhjet e pjesshme lokale të 2016-s në Dibër, të hetohet nga Prokuroria e Posaçme.<br /><br />Kërkesën sekretari i përgjithshëm i demokrateve Gazment Bardhi ia ka drejtuar prokurorisë së këtij Qarku, por dhe Prokurorit të Përgjithshëm përmes një letre, e cila i është shpërndarë dhe medias.<br /><br />Sipas tij fakti që në dosje janë pjesë zyrtarë të lartë të Partisë Socialiste përfshirë dhe vetë kryeministri ajo duhet të hetohet nga SPAK.<br /><br />Demokratet akuzojnë drejtuesit e Prokurorisë së Dibrës se pavarësisht të drejtës që kanë për të informuar në cilësinë e kallëzuesit, ata janë mbajtur në terr për ecurinë e hetimeve.<br /><br />Ndaj në letrën e Bardhit kërkohet informacion për gjendjen e procedimit penal të Dosjes 184, nëse kjo prokurori ka shpallur moskompetencën dhe ia ka kaluar atë SPAK-ut por kërkojnë dhe njohjen me provat dhe aktet e administruara deri tani.<br /><br />Tv Klan
