Burri me i shkurtër në botë nuk ka arritur të jetojë më shumë se 27 vite.<br /><br /><br />Nepalezi Khagendra Thapa Magar, i cili ishte vetëm 67.08 centimetra i gjatë, vdiq prej komplikacioneve nga pneumonia.<br /><br />? Kishte kohë që hynte e dilte nga spitali, por këtë radhë, i ishte prekur dhe zemra. Nuk ia doli dot?, tha i vëllai për AFP-në.<br /><br />Magar u shpall për herë të parë në 2010-tën si burri më i shkurtër në botë, pak pas ditëlindjes së tij të 18-të. Por titullin do ta humbiste më vonë për shkak të një tjetër nepalezi, Chandra Bahadur Dangi, që ishte vetëm 54.6 centimetra. Vetëm pas vdekjes së Dangit në 2015-tën, arriti ta rifitonte sërish statusin e tij.<br /><br />?Kur lindi, ishte aq i vogël sa mund ta mbaje në pëllëmbën e dorës. Ishte shumë e vështirë ta laje, sepse ishte aq i vogël?, thotë i ati Roop Bahadur.<br /><br />Si mbajtës i rekordit Guinness për burrin më të shkurtër në botë që mund të ecë, 27-vjeçari udhëtoi në më shumë se një duzinë vendesh nëpër botë e është thirrur në mjaft programe televizive në Europë e Shtetet e Bashkuara.<br /><br />?Na erdhi tmerrësisht keq kur mësuam se Khagendra nuk është më me ne?, tha Craig Glenday, kryeredaktor i rekordeve botërore Guinness.<br /><br />?Jeta mund të jetë shumë sfiduese kur je vetëm 6 kilogramë, dhe nuk e gjen dot vendin tënd në një botë të ndërtuar për njerëz me të tjera përmasa. Por Khagendra padyshim nuk e la trupin e tij të vogël që ta pengonte për të pasur një jetë të mirë?, ka shtuar ai.<br /><br />Magar ishte kthyer në fytyrën zyrtare të fushatës nepaleze të turizmit, që e përshkruante si njeriun më të vogël në botë me shtëpinë në majën më të lartë të globit, në malin Everest.<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: http://bit.ly/2FglWTs<br />Follow Top Channel on Instagram HERE: http://bit.ly/2uaYG2U<br />Follow Top Channel on Twitter HERE: http://bit.ly/2TJndeH<br />#Nepalezi#TopChannel
