Dy persona janë plagosur në Vlorë gjatë një atentati që ndodhi mbrëmjen e së shtunës. <br />Nikollaq Çepaj, 36 vjeç dhe Roland Çepaj, 27 vjeç, të afërm me njëri tjetrin, ishin duke pirë kafe në një lokal, kur ndaj tyre u qëllua me breshëri automatiku.<br />Ata janë dërguar me urgjencë drejt spitalit rajonal. Nikollaq Çepaj ka marrë disa plumba, njërin prej tyre në kokë dhe ndodhet në gjendje kritike për jetën. <br />Në orët e mbrëmjes ai është transportuar drejt spitalit të traumës në Tiranë. Ndërsa i plagosuri tjetër është jashtë rrezikut.<br />Dëshmitarët tregojnë se autori ka dalë nga makina dhe ka hyrë në lokal duke qëlluar me breshëri. Ata thonë se ai ka qenë i pamaskuar ndërsa në kokë mbante një kapele. <br />Rreth 2 orë pas ngjarjes, në fshatin Cerkovinë është gjetur i djegur një mjet Benz brenda të cilit ishte një armë kallashnikov që mendohet se përket autorëve të krimit.<br />Policia dyshon se objektiv i atentatit ishte 36 vjeçari Nikollaq Çepaj, i cili kishte dalë nga burgu tre ditë më parë. Në Maj të 2008-ës ai plagosi me armë shtetasin Eraldo Lazaj, 34 vjeç.<br />Në qytetin e Vlorës janë ngritur disa postblloqe policie ndërkohë që kanë nisur hetimet për të bërë të mundur identifikimin dhe kapjen e autorëve.<br />Tv Klan
