Posti i presidentit, që do të lirohet pas një viti, është bërë mollë sherri për të arritur një marrëveshje për bashkëqeverisje mes lëvizjes vetëvendosje dhe lidhjes demokratike të Kosovës.<br /><br /><br />Person unifikues dhe jo politik, është kërkesa e partisë fituese të zgjedhjeve të 6 tetorit si edhe e njohësve të rrethanave politike. Për Avdullah Hotin, nga LDK, në kuadër të përpjekjeve për koalicion qeverisës, u takon atyre posti i presidentit.<br /><br />?Ne kemi 30 vite që jemi themeluar dhe në shumicën e kohës kemi qenë në qeverisje. Nëse i shihni kuadrot që i ka propozuar LDK për pozitat më të larta shtetërore, për kryeministër, për kryetar të Kuvendit dhe president janë njerëzit më të respektuar të shoqërisë?, thotë Hoti.<br /><br />Por, në anën tjetër, Arbërie Nagavci, nga vetëvendosje, nuk është kaq e sigurt për emërimin e një emri nga LDK në postin e presidentit.<br /><br />?Jo domosdoshmërish duhet të jenë kuadro të LDK-së. Ne e kemi shprehur të qartë se do të dëshironim që të kemi një person i cili paraqet unitetin e popullit. Bashkë me LDK-në do të angazhohemi që të gjejmë një person, kandidat ose kandidate i cili në mënyrën më të mirë do të paraqiste unitetin e popullit?<br /><br />Për pedagogun Mazllum Baraliu, LDK ka emra për këtë post, por varet se kush do të propozohet: ?Sigurisht që LDK ka kuadro për president, por problemi është që kandidat të propozohen në kohën e duhur, jo tani kur është dikush tjetër aktiv dhe funksional me mandat kushtetues president aty?.<br /><br />Analisti Riza Smaka thotë se është e pamoralshme që posti i presidentit të ofrohet kaq shpejt: ?Emër mund të ketë, por nuk është e moralshme që qysh tash paraprakisht 1 vit më parë të garantohet posti i presidentit?.<br /><br />Në diskutimet mes partisë LVV dhe LDK për formimin e qeverisë po negociohet edhe posti i presidentit. Pavarësisht se është thënë se LDK ka propozuar Kujtim Shalën për president, VV e ka mohuar një gjë të tillë. Madje edhe emri i kryetarit aktual Isa Mustafa, është përmendur për këtë post.<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: http://bit.ly/2FglWTs<br />Follow Top Channel on Instagram HERE: http://bit.ly/2uaYG2U<br />Follow Top Channel on Twitter HERE: http://bit.ly/2TJndeH<br />#VV#LDK#TopChannel
