Grupi Lufthansa dhe kompania Eurowing, do të hapin një linjë ajrore mes Prishtinës dhe Beogradit, me dokumentacionin që tashmë është nënshkruar në Berlin.<br /><br />Dokumentat janë nënshkruar edhe nga delegacioni i ministrisë së ekonomisë së Serbisë, e cila do të njoftojë unik dhe KFOR për qëllimet e saj për rikthimin e linjës ajrore mes Beogradit dhe Prishtinës, por në përputhje me rezolutën 1244 të KS të OKB dhe marrëveshjen teknike ushtarake të Kumanovës.<br /><br />Në mënyrë që plani të konkretizohet do të duhet që në të ardhmen të arrihen marrëveshje teknike të përshtatshme me KFORin në lidhje me procedurat e zakonshme për operacionet e trafikut ajror. Por, që linja ajrore Prishtinë-Beograd të nisë të funksionojë, duhet që më parë qeveria e Prishtinës të heqë taksën 100 për qind mbi mallrat serbe si edhe të fillojë zbatimin e angazhimeve dhe të rikthehet në tryezën e dialogut-thuhet në një deklaratë të Ministrisë serbe të ekonomisë.<br /><br />Pavarësisht nëse do të konkretizohet apo jo, linja Beograd-Prishtinë, reagimet kanë qenë të menjëhershme pas publikimit të lajmeve. Sekretari i përgjithshëm i NATO-s, Jens Stoltenberg ka përshëndetur njoftimin duke e konsideruar këtë një hap të rëndësishëm që do të lehtësojë dhe përshpejtojë qarkullimin e njerëzve dhe mallrave në rajon. KFOR vazhdon të jetë autoriteti që kontrollon hapësirën ajrore në Kosovë, bazuar në rezolutën 1244. Ndërsa presidenti i Kosovës, Hashim Thaçi, mirëpriti nënshkrimin e marrëveshjes duke thënë se ky hap shënon një tjetër përpjekje për normalizim të marrëdhënieve në mes të Kosovës dhe Serbisë.<br /><br />Më herët gjatë ditës, Drejtori i Zyrës për Kosovën në Qeverinë e Serbisë, Marko Gjuriq, tha se nënshkrimi këtyre letrave është hap i rëndësishëm, por ai ka shtuar se linja ajrore Beograd-Prishtinë mund të jetësohet pas heqjes së taksës që mbi mallrat serbe dhe pas rikthimit të dialogut midis Beogradit dhe Prishtinës<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: http://bit.ly/2FglWTs<br />Follow Top Channel on Instagram HERE: http://bit.ly/2uaYG2U<br />Follow Top Channel on Twitter HERE: http://bit.ly/2TJndeH<br />#Prishtine#Beograd#TopChannel
