Katër persona kanë vdekur në Kinë, nga një virus i organeve të frymëmarrjes.<br /><br /><br />Virusi është përhapur në më shumë se 220 pacientë në disa provinca, si dhe në Tajlandë, Japoni dhe Korenë e Jugut.<br /><br />Autoritetet mjekësore kineze, më 20 janar, konfirmuan se 15 veta nga personeli mjekësor, ishin infektuar me koronavirusin e ri.<br /><br />Përhapja tek punonjësit e mjekësisë tregon se virusi transmetohet më lehtë sesa mendohej më parë.<br /><br />Organizata Botërore e Shëndetit (OBSH) ka thirrur një takim urgjent më 22 janar, për të diskutuar krizën dhe për të përcaktuar nëse shpërthimi i virusit është një emergjencë ndërkombëtare shëndetësore.<br /><br />Australia ka njoftuar se do të fillojë kontrollimin e pasagjerëve gjatë fluturimeve nga Wuhan.<br /><br />Sidoqoftë, shefi mjekësor i Australisë, Brendan Murphy, pranoi se masa do të ofronte vetëm ?mbrojtje të kufizuar?, sepse periudha e inkubacionit ?është ndoshta një javë?.<br /><br />Qendrat për Kontrollin dhe Parandalimin e Sëmundjeve në SHBA më 18 janar tha se do të fillojë ekzaminimin në tre aeroporte amerikane ? San Francisko, Los Angeles dhe New York ? të pasagjerëve që vijnë nga Kina qendrore.<br /><br />Zyrtarët shëndetësorë e identifikuan virusin, i cili u shfaq për herë të parë në Vuhan në muajin dhjetor, si një lloj koronavirusi.<br /><br />Sipas tyre, ai ka çuar në një shpërthim të pneumonisë virale, porse ende mbeten shumë paqartësi rreth tij.<br /><br />Ky shpërthim, sipas autoriteteve shëndetësore, ka ringjallur kujtimet e virusit Sars ? gjithashtu një koronavirus ? që ka lënë mbi 770 njerëz të vrarë në fillim të viteve 2000, në dhjetëra vende, kryesisht në Azi.<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: http://bit.ly/2FglWTs<br />Follow Top Channel on Instagram HERE: http://bit.ly/2uaYG2U<br />Follow Top Channel on Twitter HERE: http://bit.ly/2TJndeH<br />#China#Virus#TopChannel
