TIRANË- Është zbardhur vrasja e Vilson Tafçiut. Noel Disha, 29-vjeç është shpallur në kërkim nga policia për vrasjen e Tafçiut në zonën e 'Astirti' mbrëmjen e 20 janarit.<br /><br />Sipas policisë vrasja ka ndodhur pas një konflikti të çastit mes të rinjve ku Noel Disha alias M.P., 29 vjeç, në orën 20:30 të mbrëmjes së 20 janarit, në rrugën ?Dhaskal Todri?, në Unazën e Re, ka qëlluar disa herë me armë zjarri duke vrarë Vilson Tafciun.<br /><br />Gjatë ditës së djeshme dhe mëngjesit të sotëm janë ushtruar një sërë kontrollesh në disa ambiente dhe terrene, ku dyshohej se mund të fshihej 29-vjeçari megjithatë ai nuk është kapur dhe kërkimet policore vijojnë.<br /><br />Noel Disha u shpall që ditën e djeshme në kërkim, por nuk ishte e qartë nëse ai kishte qëlluar mbi të apo vetëm e kishte nxjerrë në pritë, Vilson Tafçiun, por tashmë sipas policisë pas provave të mbledhura rezulton se Norel Disha ishte pikërisht personi që qëlloi për vdekje Tafçiun.<br /><br />Pista e parë ku janë fokusuar hetimet është pikërisht e kaluara e tij në Francë dhe në Belgjikë dhe konfliktet për shkak të drogës, pasi në familje nuk ka pasur precedent. Megjithatë nuk përjashtohen edhe konfliktet e kohëve të fundit që mund të kenë sjellë vrasjen e tij nga Noel Disha. 28-vjeçari Vilson Tafçiu prej tre ditësh qëndronte në Tiranë, pasi kishte ardhur nga Dibra për varrimin e gjyshes, që jetonte në Institut.<br /><br />Tafçiu që i njihej edhe me mbiemrin Noka mbrëmjen e 20 janarit ishte në një lokal në rrugën "Teodor Keko" në zonën e 'Astirit' me një grup shoqëror, mes tyre dy vajza, kur është thirrur në emër për të dalë jashtë dhe është qëlluar për vdekje me tre plumba në gjoks nga Noel Disha.
