TIRANË- Brenda vitit 2020 të gjitha autorizimet për importin dhe eksportin e barnave mjekësore do të lëshohen online. Lajmi është dhënë nga Ministrja e Shëndetësisë dhe Mbrojtjes Sociale, Ogerta Manastirliu gjatë inspektimit të punimeve në Agjencinë Kombëtare të Barnave dhe Pajisjeve Mjekësore, e cila po përfundon rehabilitimin e plotë.<br /><br />?Janë më shumë se 3 mijë autorizime zhdoganimi apo leje importi për barnat që kryhen manualisht, të cilat do të kryhen online nëpërmjet portalit e-Albania?, tha Manastirliu.<br /><br />Rehabilitimi i Agjencisë së Barnave dhe Pajisjeve Mjekësore është një investim me vlerë 121.4 milionë lekë, ndërsa nga ministria e Shëndetësisë bëhet e ditur se për vitin 2019 janë kryer mbi 3000 autorizime importi, autorizime zhdoganimi dhe autorizime eksporti, çka do të thotë se këto procedura tashmë do të ndiqen vetëm online.<br /><br />Për barnat të cilat ndodhen në regjistër, të pajisura me autorizim tregëtimi, por edhe për barnat e paautrizuara, lëndët aktive dhe ndihmëse si dhe autorizimet e eksportit subjektet farmaceutike do të pajisjen me autorizim importi/eksporti dhe autorizim zhdoganimi nëpërmjet sistemit online, duke shmangur qëndrimin për disa orë në Agjenci, për t?ju nënshtruar procedurave të mëtejshme.<br /><br />Brenda këtij viti, subjektet nuk do të kenë më detyrimin të paraqesin dokumentet shoqërues për shërbimet e mësipërme pranë AKBPM-së, por nëpërmjet portalit unik e-Albania do të plotësojë dokumentacionin e nevojshëm online.
