Arkiva Lajme - Tv Klan 2000<br /><br />Partia Demokratike ka mbledhur sot Këshillin Kombëtar për të përcaktuar strategjinë e saj në prag të zgjedhjeve lokale. Që në fillim të takimit kreu demokrat Sali Berisha është shprehur se nuk e njeh KQZ e Mejdanit, por pavarësisht nga kjo do të shkojmë në zgjedhje ka pohuar ai. <br /><br />Katër anëtarët e KQZ janë aq të pavarur sa çmund të jetë edhe vetë qeveria tha Berisha. Kjo që është bërë me KQZ vijoi kreu demokrat është një provokacion i rëndë që po i bëhet demokracisë në shqipëri. Vota duhet të mbrohet me çdo kusht dhe për këtë arsye Berisha ka bërë thirrje për protesta në të gjithë vendin. <br /><br />Kreu demokrat sot ka përshëndetur dhe përpjekjet e komunitetit ndërkombëtar për arritjen e kompromisit mes forcave politike në shqipëri lidhur me KQZ. Ndryshimet e bëra në këtë komision, Berisha i cilësoi si luftë të klaneve midis Mejdanit dhe Nanos. <br /><br />Duke u ndalur tek zhvillimet në PD kreu demokrat pohoi se Partia e tij ka bërë një kthesë të madhe përsa i përketë simpatisë në popull. Ne tha Berisha kemi bërë një punë kolosale në zbulimin e krimit në pushtet dhe premtoi dhe njëherë se kur PD të vijë në pushtet do të evidentoj të gjitha pronat e krimit dhe do ti shkatërroj ato./tvklan.al <br /><br />Gazetare ? Mimoza Picari
