E ardhmja është këtu! Pas dekadash gjatë të cilave avionët autonomë ishin thjeshtë ide, AIRBUS ka testuar me sukses ngritjen në fluturim në mënyrë automatike të një avioni në aeroportin e Tuluzës në Francë, bashkë me një seri testimesh të suksesshme të autopilotit.<br /><br /><br />Avioni A350-1000 kreu tetë ngritje automatike në një periudhë prej katër orësh e gjysmë, falë teknologjisë së re të njohjes së imazhit të instaluar në të. Airbus ka konfirmuar se hapat e rinj janë teste mbi vizionin automatik dhe atë të uljes, që do të performohet më vonë, këtë vit. Ideja e avionëve komercial tërësisht automatikë, është hedhur prej dekadash ndërkohë që një sondazh i kryer në 2019, ka arritur në përfundimin se 70 për qind e 22 mijë udhëtarëve janë të gatshëm të fluturojnë në një avion tërësisht automatik.<br /><br />Sidoqoftë, incidente si ato të Boeing 737 max ngrenë pikëpyetje për çështjet e sigurisë në avionët plotësisht automatikë. Sidoqoftë, pavarësisht testimeve të suksesshme, mund të mos ketë asnjëherë një avion tërësisht automatik, pasi qëllimi nuk ka qenë asnjëherë ai i zëvendësimit të pilotëve. Sipas Airbus, misioni i tyre nuk është të bëhet përpara me autonominë si një objektiv në vetvete por të përmirësohen operacionet e fluturimit dhe ajo e avionëve në tërësi. Qëllimi është që të përmirësohet operacioni i fluturimit në mënyrë që një pilot të fokusohet më shumë tek vendimmarrja strategjike dhe menaxhimi i misionit.<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: http://bit.ly/2FglWTs<br />Follow Top Channel on Instagram HERE: http://bit.ly/2uaYG2U<br />Follow Top Channel on Twitter HERE: http://bit.ly/2TJndeH<br />#Airbus#TopChannel
