Arkiva Lajme - Tv Klan 2000<br /><br />Këshilli i përkohshëm administrativ i Kosovës i drejtuar nga administratori i OKB-së Kushner në seancën e sotme ka formuar komisionin qëndror për zgjedhjet që do të mbahen në Kosovë. Departamenti i rindërtimit dhe zhvillimit paraqiti sot një program të gjerë për rindërtimin e Kosovës, veçanërisht të shtëpive të djegura dhe të rrënuara. <br /><br />Këshilli i përkohshëm administrative është shprehur që prioritet në rindërtim të kenë zonat më të shkatërruara gjatë luftës dhe zonat më të varfëra të Kosovës. Ndërsa për rimëkëmbjen e ekonomisë prioritet do të ketë miniera e Trebçes, për rigjallërimin e së cilës nevojiten 15 milion euro. Në takimin e sotëm morën pjesë të gjithë anëtarët e këshillit të përkohshëm administrative dhe dy vëzhgues që përfaqësonin minoritetin serb dhe shoqërinë civile. <br /><br />Ndërkohë situta në Kosovën Lindore është acaruar sërisht. Sipas burimeve të këshillit për liri dhe të drejtat e njeriut në Bujanovc, dje në afërsi të fshatit Tërnovc u gjet i vrarë babai i tre fëmijëve. Kohët e fundit në këtë fshat është shtuar represioni serb për të zgjeruar spastrimin etnik. Ndërkohë në Mitrovicë KFOR-i ka ushtruar kontrolle në pjesën veriore të qytetit me shumicë serbe ku ka gjetur armatime dhe mjete luftarake./tvklan.al <br /><br />Gazetare ? Mirela Milori
