Kosova, ashtu si dhe pjesa më e madhe e vendeve të rajonit, kishte përkeqësim në luftën kundër korrupsionit në indeksin e perceptimit të tij për 2019, publikuar nga Organizata Ndërkombëtare Transparency International, i cili vlerësoi se praktikisht mbi dy të tretat e shteteve janë ose në stanjacion, ose kanë shënuar hapa prapa në raport me përpjekjet kundër këtij fenomeni.<br /><br /><br />Kosova sivjet renditej e 101-ta me 36 pikë, ndërkohë që një vit më parë, zinte në klasifikim vendin e 93-të. Por Transparency International mendon se ka një shans që situata të përmirësohet, dhe këtë e sheh tek lëvizja Vetëvendosja.<br /><br />?Kosova po kalon nëpër një ndryshim të pushtetit parlamentar, që mund të ofrojë një mundësi për ndryshime. Pas vitesh të tëra kritikash ndaj qeverisë dhe bashkësisë ndërkombëtare se nuk e kanë frenuar korrupsionin, Lëvizja Vetëvendosje, e cila fitoi shumicën e vendeve në parlament nga zgjedhjet e tetorit, tani ka mundësinë të dëshmojë angazhimin e saj në luftën kundër korrupsionit?, thuhet në raportin e organizatës së njohur ndërkombëtare, ku theksohet ndër të tjera se partia e Albin Kurtit, ishte ndër të paktat që iu përgjigjën kërkesave për të bërë publike kostot e fushatës zgjedhore.<br /><br />Megjithatë, shton Transparency International, mbetet për tu parë nëse qeveria e re do të sigurojë një standard më të lartë të integritetit politik. Indeksi radhit 180 vende dhe territore të botës në bazë të nivelit të perceptuar të korrupsionit në sektorin publik.<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: http://bit.ly/2FglWTs<br />Follow Top Channel on Instagram HERE: http://bit.ly/2uaYG2U<br />Follow Top Channel on Twitter HERE: http://bit.ly/2TJndeH<br />#Korrupsion#Kosove#TopChannel
