Qendra re shëndetësore e Gostimës në Cërrik është hapur, në kuadër të programit kombëtar të rehabilitimit të 300 qendrave shëndetësore.<br /><br />Ministrja e Shëndetësisë dhe Mbrojtjes Sociale, Ogerta Manastirliu inspektoi mesditën e sotme qendrën e re shëndetësore të Gostimës në bashkinë e Cërrikut.<br /><br />Është një premtim i mbajtur rehabilitimi i qendrës shëndetësore Gostimë, një qendër që i shërben 13 mijë banorëve. Vetëm gjatë vitit 2018-2019 rehabilituam 180 qendra shëndetësore.<br /><br />Ne planifikojmë këtë vit rindërtimin e 120 qendrave shëndetësore dhe ambulancave.<br /><br />Vetëm në qarkun e Elbasanit janë 16 qendra shëndetësore dhe ambulanca të rehabilituara dhe vijojmë këtë vit edhe me qendrën shëndetësore 24 orëshe të Cërrikut, Belshit etj?, tha Manastirliu.<br /><br />Sipas zyrës së shtypit, me programin e 300 qendrave shëndetësore që përmbyllet këtë vit me rindërtimin e 120 qendrave shëndetësore nga veriu në jug, është garantuar përmirësi i kushteve të punës.<br /><br />Është ndërtuar një model i standardizuar dhe i unifikuar i qendrave shëndetësore qoftë në zona urbane ashtu dhe në ato rurale.
