200 milionë lekë të rinj është fondi i miratuar për bashkinë e Tiranës për të bërë ekspertizën e thelluar të objekteve të dëmtuara nga tërmeti i 26 Nëntorit. <br />Burime pranë bashkisë së Tiranës thanë për TV Klan se ky fond i miratuar me VKM do të shërbejë për të bërë aktet e thella të ekspertizës për pallatet dhe shtëpitë private të cilat janë shpallur të pabanueshëm nga instituti i ndërtimit.<br />Pas përfundimit të akt-ekspertizës do të merren vendime për projekt-zbatimet dhe rikonstruksionin e objekteve të dëmtuara. <br />Në Tiranë janë 996 objekte që do i nënshtrohen ekspertizës së thelluar, prej tyre 448 pallate dhe 548 shtëpi banimi për të cilat do të merret vendim nëse do të shemben apo do të riparohen.<br />Për këtë të fundit do të dalë edhe kostoja e riparimit për çdo objekt të dëmtuar nga tërmeti i 26 Nëntorit dhe i shpallur i pabanueshëm. <br />Ndërkohë që për disa shkolla në Tiranë po kryhet oponenca teknike për të parë nëse plotësojnë kërkesat e qëndrueshmërisë mekanike dhe sigurisë.<br />Tv Klan
