Arkiva Lajme - Tv Klan 2000<br /><br />Vojsllav Zhivkoviç ish-shef për Kosovën i Partisë Socialiste të Serbisë, në pushtet në Beograd vrau veten dje duke qëlluar me një plumb në kokë thanë burime të afërta të familjes. <br /><br />Vojsllav Zhivkoviç, i cili ka qenë njeri i besuar i presidentit jugosllav Sllobodan Millosheviç ishte hequr verën e kaluar nga funksioni i tij si shef i Partisë Socialiste për Kosovën në momentin e tërheqjes së forcave jugosllave nga Kosova. Vetvrasja ndodhi në shtëpinë e tij në Smervedovo 60km në perëndim të Beogradit. <br /><br />Zhivkoviç kishte kryesuar Partinë Socialiste në Kosovë në fillim të vitev ?90. Ai ishte anëtar i delegacionit serb gjatë bisedimeve të zhvilluara në Francë në vitin ?99 për Kosovën, gjatë të cilës Beogradi ka refuzuar çdo prani ushtarake ndërkombëtare në Krahinë. <br /><br />Më parë Vojsllav Zhivkoviç kishte qenë gazetar në televizionin e Kosovës TVPrishtina e kontrolluar nga Beogradi dhe në të përditshmen ?Politika Ekspres?. Vojsllav Zhivkoviç ishte i martuar dhe kishte dy fëmijë./tvklan.al<br /><br />Gazetar ? Eduart Frangaj
