15 Marsi duket një afat ambicioz për të përmbyllur Reformën Zgjedhore nëse palët do të kenë vullnet për t?u dakordësuar për 13 çështje të aspekteve elektorale. Sinjalet pozitive u dhanë në takimin e organizuar me praninë e faktorit ndërkombëtar, ku nuk mungoi ambasadori britanik, që lehtësoi uljen e maxhorancës dhe opozitës në tryezën e Reformës Zgjedhore.<br /><br />Duke nisur nga 10 Shkurti, tryeza e reformës do të duhet të adresojë një numër të madh çështjesh që kanë të bëjnë me parandalimin dhe goditjen e krimeve zgjedhore, masat kundër shitblerjes së votës, apo dhe ndarjes së politikës nga krimi.<br /><br />Pas takimit bashkëkryetari i Reformës Zgjedhore, Damian Gjiknuri u shpreh i hapur për çdo propozim të opozitës në forcim të legjislacionit.<br /><br />?Nëse opozita ka pretendime për forcimin legjislacionit penal, ka çështje të tjera të aspektit organizativ apo propozon skema që mund të jenë më efikase në parandalimin e shkeljeve zgjedhore, le të vijnë me propozime konkrete. Ne do t?i shqyrtojmë dhe patjetër nëse janë në përputhje me rekomandimet e ODIHR-it do të bëhen pjesë e legjislacionit zgjedhor.?<br /><br />Dokumenti i dakordësuar nga tryeza e Reformës Zgjedhore, sipas Oerd Bylykbashit, përfshin shqetësimet e ngritura nga opozita, e cila ka gati edhe propozimet konkrete.<br /><br />?Ku do të përfshihen, çështja e shitblerjes së votës, ndarjes së politikës nga krimi, probleme të rënda zgjedhore që ndryshojnë dhe manipulojnë votën e shqiptarëve; çështja e sistemit zgjedhor. Të gjitha masa që kanë si emërues të përbashkët, elementin e vullnetit politik për të ndarë shtetin nga politika, shtetin nga partitë politike. Një angazhim dhe një standard i OSBE-së pa të cilin çdo kornizë ligjore pëson fatin e ndryshimeve që janë bërë deri më sot. Ky është thelbësor në procesin që po nisim që nga sot.<br /><br />Bashkëkryetarja e Komisionit të Reformës Zgjedhore, Rudina Hajdari, nuk përjashtoi që nga tryezë të dilet edhe me ndryshime kushtetuese.<br /><br />?Nëse është e nevojshme do ketë ndryshime edhe në Kushtetutë, jo vetëm në Kodin Zgjedhor.?<br /><br />Pjesë e diskutimeve të tryezës së Reformës Zgjedhore do të jetë edhe përfshirja e teknologjisë në zgjedhje, votimi i emigrantëve, si dhe çështja e sistemit zgjedhor.<br /><br />Tv Klan
