Pas takimit me Kancelaren gjermane Angela Merkel, Kryeministri Rama ka treguar mesazhet e vizitës të tij në Gjermani për qytetarët përmes një video të shpërndarë në Facebook. <br />Kreu i qeverisë tha se Kancelarja është shprehur pozitivisht për nismën e qeverisë lidhur me ligjin special kundër krimit të organizuar të cilën e quan si paketa ?KÇK?. Rama u shpreh se amendimet do t?i shkojnë për konsultim dhe ekspertëve të huaj. <br />?Pastrimi i drejtësisë nga të korruptuarit dhe krijimi i SPAK-ut për Kancelaren janë rezultate kuptimplota që japin shpresë. Ajo u shpreh shumë pozitivisht për ligjin special kundër krimit të organizuar dhe amendamentet speciale anti-KÇK që do të hyjnë në fuqi ditët e ardhshme pas konsultimeve përfundimtare me ekspertët ndërkombëtarë?.<br />Rama është i bindur se një kërkesë e hershme e vendit tonë për të njohur lejet e drejtimit të automjeteve në Gjermani këtë herë do të realizohet, pasi tashmë sipas tij ?ka një mik të fortë?, duke nënkuptuar Kancelaren Angela Merkel.<br />?Shumë shpejt do të vijë një grup nga Ministria e Transporteve gjermane për të bërë përputhjen e dokumentacionit. Këtë herë them se është e realizueshme sepse kam një mik të fortë?.<br />Për shefin e qeverisë shqiptare, vizita e tij në Gjermani ishte e suksesshme jo vetëm për ndihmën që ky vend do të japë në konferencën e donatorëve për ndihmat pas tërmetit, por edhe në kahun e hapjes së negociatave me Bashkimin Europian, dhe marrjen e fondeve shtesë nga programet e BE-së për rindërtimin e ekonomisë në sektorët e prekur nga tërmeti.
