I ashtuquajturi Shtet Islamik (ISIS) është rikthyer dhe kërcënon se do ta shndërrojë Izraelin në shënjestrën kryesore të sulmeve të tij.<br /><br /><br />Grupi i dhunshëm xhihadist publikoi online një mesazh audio ku pretendohet se është regjistruar zëri i zëdhënësit të tij, Abu Hamza al-Quraishi. ?Sytë e ushtarëve të kalifatit janë ende në Jerusalem?, tha al-Quraishi në mesazhin 37 minutësh.<br /><br />?Në ditët në vazhdim, dashtë Zoti, do të shihni se çfarë ju dëmton dhe çfarë do t?ju bëjë t?i harroni tmerret që keni përjetuar?, tha zëdhënësi. Sipas al-Quraishi, lideri i ri i grupit është i vendosur që t`i çojë drejt një faze të re vëllezërit muxhahedinë në të gjithë provincat e bashkë me ta, dhe myslimanët në mbarë botën.<br /><br />Në ditën e përkujtimit të Holokaustit, ai paralajmëroi se fokusi i ri i ISIS, do të jenë hebrenjtë, të cilëve do t`u merret mbrapsht ajo që sipas zëdhënësit, ata kanë vjedhur nga myslimanët. Shteti Islamik shpalli në vitin 2014 të ashtuquajturin kalifat në disa territore të Sirisë dhe Irakut, ku kontrollonte gjithçka ? duke nisur që nga monedha e deri tek programet mësimore.<br /><br />Pas operacioneve ndërkombëtare ushtarake, kalifati u shemb vitin e kaluar dhe grupi u shpërbë, ndërsa goditjen më të fortë e mori me vrasjen e ish liderit të tij, Abu Bakr Al Baghdadi, pas një sulmi të forcave amerikane në Siri. Megjithatë, ekspertët nuk e kanë përjashtuar asnjëherë mundësinë që Shteti Islamik të rigrupohet.<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: http://bit.ly/2FglWTs<br />Follow Top Channel on Instagram HERE: http://bit.ly/2uaYG2U<br />Follow Top Channel on Twitter HERE: http://bit.ly/2TJndeH<br />#Izrael#ISIS#TopChannel
