Takimi i radhës mes liderit të vetëvendosjes dhe atij të lidhjes demokratike të Kosovës ka përfunduar sërish pa marrëveshje ndërkohë që tani duket se do të hyjë në lojë faktori ndërkombëtar.<br /><br /><br />Përmes një njoftimi për shtyp, lëvizja vetëvendosje njoftoi të hënën se sot do të takohen sërish Kurti dhe Mustafa, së bashku me ambasadorët e Kuintit, pesë vendet kryesore perëndimore) si dhe me Shefen e Misionit të Bashkimit Evropian?, në përpjekje për të arritur një marrëveshje koalicioni.<br /><br />Ndërkaq, Lidhja Demokratike e Kosovës, tha se në takimin e së hënës, liderët e dy partive kanë biseduar për qëndrimet e tyre lidhur me marrëveshjen e koalicionit.<br /><br />Para takimit, kryetari i LDK-së, Isa Mustafa, i cili në takimin po shkonte i shoqëruar nga nënkryetarët e kësaj partie, Vjosa Osmani dhe Lutfi Haziri, ka thënë se nga ana e subjektit politik që ai drejton, ekziston vullneti për një marrëveshje.<br /><br />Posti i kryetarit të kuvendit, vazhdon të mbetet çështja që po pamundëson arritjen e marrëveshjes së koalicionit qeverisës mes Lëvizjes Vetëvendosje (LVV) dhe Lidhjes Demokratike të Kosovës (LDK). Edhe pse këtë post tashmë e ka marrë deputeti i Vetëvendosjes, Glauk Konjufca gjatë seancës konstituive të kuvendit më 26 dhjetor, 2019, Lidhja Demokratike e Kosovës vazhdon të insistojë se pjesë e marrëveshjes duhet të jetë edhe ai. Sipas LDK-së, në këtë fazë, Vetëvendosje duhet ta ketë postin e kryeministrit, kurse LDK atë të kryetarit të Kuvendit. Lëvizja Vetëvendosje, e cila ka fituar zgjedhjet parlamentare të 6 tetorit dhe Lidhja Demokratike e Kosovës, menjëherë pas certifikim të rezultatit të zgjedhjeve nisën punën për harmonizimin e programit për bashkëqeverisje. Megjithatë, ende nuk kanë arritur asnjë marrëveshje, edhe pse po mbushen thuajse katër muaj nga zgjedhjet.<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: http://bit.ly/2FglWTs<br />Follow Top Channel on Instagram HERE: http://bit.ly/2uaYG2U<br />Follow Top Channel on Twitter HERE: http://bit.ly/2TJndeH<br />#Quinti#Kosova#TopChannel
