Një shfaqje teatrale do të ngjitet në skenën e Teatrit ArTurbina në 7 shkurt. ?Galaksia? quhet shfaqja në qendër të së cilës qendron nje piktore e jazhtëzakonshme, Galaksia. Për të folur për këtë shfaqje i ftuar në programin ?Rudina? në Tv Klan ishte aktori Neritan Liçaj.<br /><br />Ai ka folur për këtë shfaqje të veçantë, por edhe për një tjetër rol që do të luaj në filmin ?Gjirokastra?, pikërisht rolin e diktatorit shqiptar, Enver Hoxhës.<br /><br />Neritan Liçaj ?ringjall? Enver Hoxhën me në krah Nexhmijen, për herë të parë në një film artistik me titull ?Gjirokastra?. Ka romancë dhe dramë, pasi filmi trajton temën e ashpërsisë me të cilën diktatura goditi familjet e krijuara mes martesave ruso-shqiptare. Prej 40 ditësh, qyteti i gurtë u kthye në sheshxhirim, ku artisti i famshëm rus, Juri Arabov, bashkëautor me shkrimtarin, Ismail Kadare realizuan skenarin që mban emrin e qytetit të tij lindjes.<br />Ngjarjet e filmit lidhen me vuajtjet që kaluan me dhjetëra familje shqiptaro-ruse, pas prishjes së marrëdhënieve mes Shqipërisë dhe Bashkimit Sovjetik në vitin 1961. Filmi artistik shqiptaro?rus vjen nga bashkëpunimi i producentëve Loreta Mokini dhe Ella Arkangelskaia. Në qendër të historisë është një arkeolog shqiptar, që dashurohet me një nga vajzat ruse, që Kadareja në mënyrë simbolike i ka emërtuar ?Sorkadhet e trembura?.
