Ky është kalimi kufitar në mes të Bosnjës dhe Serbisë. Një grup turistësh ishte nisur për pushime, por tani udhëtimin e bëjnë në përcjellje për shkak se vijnë nga Wuhan, vendi që u shpall karantinë në Kinë. Xhiroja e tyre në<br /><br />Kroaci e Bosnje u ndoq nga autoritetet e tre vendeve, ndonëse pa shenja se mund të bartnin virusin vdekjeprurës. Ata tani kanë arritur për disa ditë në Serbi.<br /><br />?Në bazë të protokollit që kemi dhe nëse gjendet dikush i infektuar që vjen nga Wuhan, atëherë do të izolohet në hapësira të veçanta dhe masa të tjera?, thotë epidemiologu Vlladan Shaponiç.<br /><br />Kjo është festa e Vitit të Ri Kinez, me kalendarin lunear. Mijëra turist kinez kanë shtuar vizitat e tyre viteve të fundit në Ballkan pasi të paktën në Serbi, Bosnje dhe Shqipëri mund të udhëtojnë pa viza.<br /><br />Lehtësira kanë në vendet tjera nëse janë grup. Vetëm në Serbi nëntë muajt e parë të vitit që shkoi kanë zbarkuar 77 mijë turistë kinez.<br /><br />Autoritetet thonë se nuk ka rrezik, por apelojnë tek qytetarët të ndjekin organet zyrtare në rast se gjendja ndryshon. Por, turistët duket se janë mirë.<br /><br />?Së pari i këshillojmë qytetarët të mos krijojnë panik pasi nuk ka hapësirë për këtë. Qytetarët duhet të ndjekin ministrinë dhe institutet dhe qendrat e tjera shëndetësore. Nëse ka diçka, qytetarët do të informohen në kohë, por ne nuk presim ndonjë gjë alarmante?.<br /><br />Ishte dyshuar për një rast të një pacienti në Ballkan, por nuk kishte rezultuar i infektuar. Ministria serbe e Shëndetësisë ka thënë se masat janë marrë dhe deri më tani nuk ka raste pacientësh të infektuar.<br /><br />Tv Klan
