I rrëmbyeri 11 ditë më parë në Kamëz, Jak Prenga 49 vjeç, sipas policisë rezulton të jetë vrarë nga autorët e rrëmbimit të tij.<br /><br /><br />Ngjarja ndodhi në datën 17 janar, ku mësohet se dy persona e morën më dhunë viktimën 49 vjeçare dhe e futën në një makinë të vjedhur dhe me targa të tilla, e cila sipas burimeve i përket një këngëtareje të njohur. Autorët më pas janë drejtuar për në Kompleksin Golden në Shijak, aty ku autorët kishin menduar që ta mbanin peng të rrëmbyerin.<br /><br />Jak Prenga, dyshohet se është çuar i gjallë në këtë kompleks, por për shkak të goditjeve, burimet thonë se disa orë më pas ai është nxjerrë i pajetë nga kompleksi trupin e të cilit autorët e kanë zhdukur.<br /><br />Pas hetimeve të zhvilluara nga prokuroria, të hënën, Renea zhvilloi një operacion në Shijak ku vuri në pranga katër persona, të lidhur me ngjarjen, Bajram dhe Leonard Hajri, babë e bir, Elton Hajri dhe Olsi Turja, të gjithë banues në Shijak.<br /><br />Burime të sigurta të policisë, thanë për Top Channel se kjo ngjarje është e pasojë e një marrëdhënie të dështuar mes trafikantësh droge për një sasi shumë të madhe kokaine. Autoritet shqiptare besojnë se për zhdukjen e e tij fshihet një organizatë e fuqishme kriminale qe ka veprimtari në Angli, disa shtete të BE dhe Ekuador e Shqipëri. Top Channel mëson se në hetimin e çështjes janë përfshirë edhe autoritet britanike.<br /><br />Burimet e sigurta thonë se në fund të 2019, vëllai i viktimës së zhdukur, A. Prenga, është kontaktuar nga organizata kriminale për të nxjerrë një sasi kokaine prej 280 kg nga një port në Agli, i cili e ka nxjerrë atë por nuk e ka dorëzuar tek porositësit, çka më pas ka sjellë hakëmarrjen duke rrëmbyer Jak Prengën.<br /><br />Kompleksi ku u dërgua fillimisht Jak Prenga, i përket biznesmenit Altin Hajrit, i cili në vitin 2015 u arrestua në Itali së bashku me 15 persona të tjerë për trafik droge. Hajri, nuk është person i panjohur as për drejtësinë shqiptare. Në maj të vitit të kaluar, gjykata e Durrësit e shpalli fajtor dhe e dënoi në mungesë me 7 vjet burgim nga 15 vjet të kërkuara nga prokuroria. Po ky vendim nuk u ekzekutua, pasi u ankimua nga avokatët e Hajrit dhe gjykata e Apelit Durrës e shpalli të pafajshëm Altin Hajrin dhe vendimin e shkallës së parë si të pabazuar në prova.<br /><br />Altin Hajri ka qenë dënuar me gjoba nga Gjykata e Durrësit dhe për ?kundërshtim të punonjësit të policisë?, ?fyerje për shkak të detyrës? dhe ?prishje të rendit publik?, vepra këto të klasifikuara si kundërvajtje penale.<br /><br />Ndërkaq për personat e arrestuar të hënën lidhur me marrjen peng të Jak Prengës, do të rëndojnë pesë akuza, ?Rrëmbimi ose mbajtja peng e personit?, ?Fshehja ose asgjësimi i kufomës?, ?Moskallëzimi i krimit?, ?Veprime që pengojnë zbardhjen e të vërtetës?, të kryera në bashkëpunim dhe ?Armëmbajtja pa leje.<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: htt...
