Prej datës 1 janar 2020, çdo institucion shtetëror ka nisur të ofrojë shërbimet online për qytetarët, duke synuar uljen e radhëve, shkurtimin e kohës së humbur për të marrë një shërbim dhe eliminimin e korrupsionit.<br /><br />Tashmë qytetarët nuk do të kenë më kontakt të drejtpërdrejtë me sportelistë por gjithçka do të bëhet në mënyrë virtuale përmes e-Albania.<br /><br />Por çfarë mendojnë qytetarët e Tiranës për këtë mënyrë të re të ofrimit të shërbimit?<br /><br />?Mendova se ishte shumë më mirë se të presësh në radhë, kështu është më mirë.<br /><br />Ne kemi mendimin që ne nuk dimë ta përdorim, ato janë për ju të rejat që dini të përdorni kompjuterin, internetin, ne nuk dimë ta përdorim, ne dimë vetëm me i ra me fol.<br /><br />Mendimi është shumë i drejtë, shumë i mirë është kur kalojnë online, për popullin bëhet shumë mirë. Do zhduket korrupsioni se s'ka të bëjë me njerëz.<br /><br />Shumë mirë është, është një mundësi më e mirë që mos të presim në radhë.<br /><br />A është populli i përgatitur për këtë punë, sa është niveli arsimor-kulturor? Them se niveli i popullit të zonave rurale është shumë dobët.<br /><br />Shkurtohen procedurat, i bën në kohën që të duhet, nuk pret, tarifa kuptohet që është zero, mirë më duket. Korrupsioni nuk hiqet, nuk besoj, gjithmonë i gjendet një diçka.<br /><br />Është një gjë e mirë pasi shërbimet janë më të shpejta edhe nuk nevojë për të mbajtur radhën në zyrat përkatëse?-u shprehën disa prej qytetarëve<br /><br />Me këtë shërbim edhe maturantët do të kenë mundësi që notën e provimeve të maturës ta marrin online si dhe kopjen e testit.<br /><br />Në qershor do të hyjë online blloku i dytë prej 395 shërbimesh dhe deri në fund të vitit 2020 do të jenë online 91% e të gjitha aplikimeve për shërbime.
