Ministri në Detyrë për Evropën dhe Punët e Jashtme, Gent Cakaj, priti në një takim, në Tiranë, përfaqësuesit politikë të Luginës së Preshevës.<br /><br /><br />Ky takim kishte në fokus diskutime që lidhen me krijimin e një liste të përbashkët të partive shqiptare në zgjedhjet e ardhshme parlamentare në Serbi. Kjo listë, e cila bazohet në parime të qarta programore, do të quhet ?Alternativa Demokratike Shqiptare ? Lugina e Bashkuar?.<br /><br />Në përfundim të takimit, palët nënshkruan ?Marrëveshjen për krijimin e listës së përbashkët zgjedhore të subjekteve politike shqiptare për zgjedhjet parlamentare në Republikën e Serbisë?.<br /><br />Nëpërmjet marrëveshjes së nënshkruar, për herë të parë, Partia për Veprim Demokratik, Alternativa për Ndryshim, Partia Demokratike, Lëvizja Reforma në PDSH dhe Lëvizja e Progresit Demokratik, do të veprojnë me një program, sa herë do të jenë në pyetje parimet kombëtare dhe çështja e Luginës së Preshevës.<br /><br />Nënshkrimi i kësaj marrëveshje shënon bashkimin e palëve për të siguruar një përfaqësim sa më të lartë dhe për të krijuar një pozicion sa më të fuqishëm prej zgjedhjeve parlamentare në Serbi.<br /><br />Në konferencën e përbashkët për shtyp, Cakaj vlerësoi arritjen e kësaj marrëveshjeje duke theksuar: ?Sot përfaqësuesit politikë të Luginës së Preshevës kanë dhënë shembullin më të vyer e domethënës se si shumë dallime partiake mund të artikulohen brenda vetëm një qëndrimi kombëtar.?<br /><br />Sa i takon funksionit që do të ketë kjo marrëveshje Ministri në Detyrë Cakaj u shpreh: ?Kjo listë do të ketë funksion të pazëvendësueshëm në ngritjen e një vargu të gjerë shqetësimesh me të cilat ballafaqohen shqiptarët e Luginës, duke filluar nga arsimi në shqip, përdorimi i lirë e i hapur i simboleve kombëtare, si dhe rritja e përfaqësimit në institucionet shtetërore.?<br /><br />Ai vijoi fjalën e tij, duke siguruar se shqetësimet e shqiptarëve të Luginës, në të njëjtën kohë, janë edhe shqetësime të Qeverisë së Shqipërisë. Prandaj, Cakaj shprehu se Qeveria e Shqipërisë do të angazhohet pakursyer për të mbështetur listën e përbashkët të Luginës së Preshevës e afirmuar parimet politike të saj.<br /><br />?Bashkimi sot iu shërben qytetarëve të Luginës, por edhe shqiptarëve kudo që janë.? ? përfundoi Kreu i diplomacisë fjalën e tij në konferencën e përbashkët për shtyp.<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: http://bit.ly/2FglWTs<br />Follow Top Channel on Instagram HERE: http://bit.ly/2uaYG2U<br />Follow Top Channel on Twitter HERE: http://bit.ly/2TJndeH<br />#GentCakaj#LuginaPresheves#TopChannel
